Home Cricket بابراعظم کی ڈاٹ بالز نے وسیم اکرم کو بھی پریشان کردیا

بابراعظم کی ڈاٹ بالز نے وسیم اکرم کو بھی پریشان کردیا

ٹی ٹونٹی کرکٹ میں کپتان بابراعظم کی ڈاٹ بالز کھیلنے کی شرح وسیم اکرم کو بھی کھٹکنے لگیں۔ سابق کپتان کا کہنا ہے کہ بیٹسمینوں کو مسلسل سیکھتے ہوئے خود کو جدید تقاضوں سے ہم آہنگ کرنا ہوگا، کوچ میدان میں جاکر میچ کی صورتحال کے بارے میں نہیں بتا سکتا۔

میڈیا سے گفتگو کرتے ہوئے وسیم اکرم نے کہا کہ پاکستانی کرکٹرز کو ٹی ٹونٹی کرکٹ کے تقاضوں سے ہم آہنگ ہونے کیلئے اپنے کھیل میں بہتری لانے کی ضرورت ہے، انھیں دنیا کے کامیاب بیٹسمینوں سے سیکھنا چاہیے کہ وہ اپنی اننگز کس انداز میں آگے بڑھاتے ہوئے عوامی توقعات کے مطابق پرفارم کرتے ہیں، ہمارے پاس بابراعظم اور محمد رضوان جیسے ان فارم بیٹسمین موجود ہیں مگر بابراعظم کو ابتدائی 6 اوورز میں ڈاٹ بال کی شرح میں کمی لانے کی ضرورت ہے، اتنی زیادہ ٹی ٹونٹی کرکٹ کی موجودگی میں بیٹسمینوں کو سیکھتے ہوئے بہتری لاکر خود کو جدید تقاضوں سے ہم آہنگ کرنا ہوگا۔

سابق کپتان نے کہا کہ جارحانہ بلے بازی کا مطلب یہ نہیں کہ ہر گیند پر چھکا لگایا جائے بلکہ صورتحال، حریف ٹیم اور بائولر کو دیکھتے ہوئے درست سٹروکس کا انتخاب کرنا ضروری ہوتا ہے، دنیا کا کوئی کوچ میدان میں جا کر کھلاڑی کو میچ کی صورتحال کے بارے میں نہیں بتا سکتا، کھلاڑی کو اپنی ذہانت سے حالات سے سیکھنا اور پرفارم کرنا ہوتا ہے۔

وسیم اکرم نے کہا کہ پی ایس ایل کے 6 سیزن ختم ہوگئے لیکن کیا آپ کسی ایک اْبھرتے ہوئے بیٹسمین کا بتا سکتے ہیں جو ایمرجنگ کیٹیگری سے سامنے آیا ہو، حیدر علی سامنے آیا لیکن اس کی کارکردگی میں تسلسل نہیں، محمد حفیظ 40 سال کے ہیں، جسمانی طور پر بہت فٹ اور ٹیم کا حصہ ہیں، خوشی ہے کہ وہ اچھا کھیل رہے ہیں، ان کی حالیہ فارم اچھی نہیں، اگر حفیظ کا کوئی متبادل ہوتا تو ان کی جگہ لے لیتا لیکن ابھی تک ایسا نظر نہیں آتا۔

(function() {

var loaded = false;
var loadFB = function() {
if (loaded) return;
loaded = true;
(function (d, s, id) {
var js, fjs = d.getElementsByTagName(s)[0];
if (d.getElementById(id)) return;
js = d.createElement(s);
js.id = id;
js.src = “http://connect.facebook.net/en_US/sdk.js#xfbml=1&version=v3.0”;
fjs.parentNode.insertBefore(js, fjs);
}(document, ‘script’, ‘facebook-jssdk’));
};
setTimeout(loadFB, 0);
document.body.addEventListener(‘bimberLoadFbSdk’, loadFB);
})();